Общество православных врачей
Санкт-Петербурга имени свт. Луки (Войно-Ясенецкого),
архиепископа Крымского

Объявление

5 марта 2024 г в 17.00 состоялся Всероссийский научно-практический семинар «Экологические, медицинские и педагогические аспекты демографической ситуации в России»

Подробнее

ПОСЛЕДОВАНИЕ МОЛЕБНОГО ПЕНИЯ ПРИ ИЗЪЯВЛЕНИИ ОБЕТА ТРЕЗВОСТИ

 

    Иерей: Благословен Бог наш...

     Слава Тебе, Боже наш, слава Тебе.

     Хор: Царю Небесный...

     Диакон: Миром Господу помолимся... (Мирная ектения.)

     После же «О плавающих...»:

     О еже простити всякое прегрешение вольное и невольное рабом Твоим сим (имена) и еже милостиву быти к ним, Господу помолимся.

     О еже не помянути грехи юности и неведения их, но милостиво спасение и воздержание им даровати, Господу помолимся.

     О еже посетити их посещением Святаго Своего Духа и исцелити всяк недуг и страсть, в них гнездящияся, Господу помолимся.

   О еже благословити доброе намерение и дело рабов Твоих (имена) и свободити от недуга винопития, и благословити благополучно начати и спешно, кроме всякого преткновения, скончати, силою, действием и благодатию Пресвятаго Духа, Господу помолимся.

     О еже приставити им и делу их Ангела Хранителя, во еже невидимо отразити вся противныя вещи видимых и невидимых враг, и подати им к свершению силу и во всем благоспешество, силою, действием и благодатию Пресвятаго Духа, Господу помолимся.

     О еже избавити им же и нам от всякия скорби, гнева и нужды, болезни и печали, Господу помолимся.

     Заступи, спаси, помилуй...

     Пресвятую, Пречистую, Преблагословенную...

     Иерей: Яко подобает Тебе...

     Диакон: Бог Господь и явися нам...

     Исповедайтеся Господеви...

     Обышедше, обыдоша мя...

     Не умру, но жив буду...

     Камень, Его же небрегоша зиждущии...

     Хор: тропарь, глас 4:

Скорый в заступлении един сый, Христе, скорое свыше покажи посещение страждущим рабом Твоим, и избави от недуг и горьких болезней, и воздвигни во еже пети Тя и славити непрестанно, молитвами Богородицы, Едине Человеколюбче.

Тропарь, глас 4-й

Днесь притецем вернии к Божественному и пречудному образу Пресвятыя Богоматери, напaяющей верных сердца небесною Неупиваемою Чашею Своего милосердия, и людем верным чудеса показующей. Яже мы видяще и слышаще духовно празднуем и тепле вопием: Владычице Премилостивая, исцели наша недуги и страсти, молящи Сына Твоего, Христа Бога нашего, спасти души наша.

Слава, глас 4:

     Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Вонифатие, моли Христа Бога спастися душам нашим.

     И ныне, глас 8:

     В тебе, отче, известно спасеся, еже по образу; приим бо крест, последовал еси Христу и дея учил еси презирати убо плоть, преходит бо; прилежати же о души, вещи бессмертней, тем же и со Ангелы срадуется, преподобне Моисее, дух твой.

     Запевы:

     Слава Тебе, Боже наш, слава Тебе!

     Иисусе Сладчайший, спаси нас!

     Пресвятая Богородице, заступи нас!

     Святителю отче Вонифатие, моли Бога о нас!

     Преподобне отче Моисее, моли Бога о нас!

     Вси святии, молите Бога о нас!

     Слава, и ныне.

     Диакон: Паки и паки...

     Заступи, спаси, помилуй...

     Пресвятую, Пречистую...

     Иерей: Яко Благ и Человеколюбец...

     Прокимен, глас 1:

     Буди, Господи, милость Твоя на нас, якоже уповахом на Тя.

     Стих:

     Радуйтеся праведнии о Господе, правым подобает похвала.

     Иерей: Вонмем. Однажды Господь сказал своим учеником...

     Читается Евангелие Ин. 14. 10-21.

     По Евангелии те же запевы. Засим:

     Хор: Не имамы иныя помощи...

     Милосердия двери отверзи нам...

     Слава, и ныне; Кондак

Избранное и дивное избавление нам даровася - Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, Неупиваемою Чашею нами именуемая, приклонися благоутробно к нашим воздыханиям и воплем сердечным, и избавление подаждь страждущим недугом пианства, да с верою воззовем Ти: Радуйся, Владычице, Неупиваемая Чаше, духовную жажду нашу утоляющая.   

     Диакон: Помилуй нас, Боже... (Сугубая ектения.)

     Не хотяй смерти грешника, но еже обратитися и живу быти ему, пощади и помилуй страждущих рабов Твоих (имена)! Исцели болезни, уврачуй страсти душ и телес их, яко Благосерд; прости им вся прегрешения их вольная и невольная, и скоро водвизни их от пути погибели; молим Ти ся, услыши и помилуй.

     Поспешествуяй всем во благое, Господи Спасе наш, помози милостивно и рабом Твоим сим (имена), к Тебе молящимся, и в благополучное совершение благому намерению их спешно произвестися благослови, молим Ти ся, Всемогущий Владыко, услыши и помилуй.

     В славу Твою вся творити повелевый, Господи, рабом Твоим сим (имена) к Твоей славе дело свое начинающим, благословением Твоим поспешство благополучное с довольством к совершению подаждь, здравие им со благоденствием даруй, молим Ти ся, Вседаровитый Творче, услыши и милостиво помилуй.

     Призри, Владыко Человеколюбче, милостивым оком Твоим на рабов Твоих сих (имена) и услыши моления наша, с верою Тебе приносимыя, Сам бо рекл еси: «Вся, елика молящеся просите, веруйте, яко приимете – и будет вам», и паки: «просите и дастся вам»; сего ради и мы, аще и недостойнии, уповающе на милость Твою, просим: подаждь благость рабом Твоим сим (имена) и исполни благая желания их, мирно же и тихо в благочестии и чистоте вся их соблюди; рцем вси: скоро услыши и милостиво помилуй.

     Иерей: Услыши ны Боже...

     Диакон: Господу помолимся.

     Хор: Господи, помилуй.

     Затем самим дающим обет читается во всеуслышание следующее молитвенное обещание:

     Владыко Господи Иисусе Христе Сыне Божий, аз, недостойный раб Твой (имя), познав пагубу страстей, обуревающих мя, и грехов, от них исходящих; пред Пречистым Образом Матери Твоея, Преблагословенныя Владычицы нашея Богородицы, сим изъявляю твердое намерение и даю крепкое обещание не пить вина и ничего хмельного, а также не соблазнять к тому и других, равно не принимать никакого участия в различного рода зазорных играх, и не произносить скверных гнилых слов в грядущее время от сего дня и сего часа. О, Премилосердный и Всещедрый Иисусе Христе, благослови благое намерение мое сие и помози ми, слабому и немощному рабу Твоему (имя) силою Честнаго и Животворящаго Креста, молитвами Всепречистыя Владычицы нашея Богородицы и всех святых Твоих благополучно совершити его к славе Твоей во спасение души моей! Аминь.

     Диакон: Господу помолимся.

     Хор: Господи, помилуй.

     Иерей читает молитву Спасителю:

     Господи, Спасителю наш, претерпевый великое искушение в пустыне от диавола, не допусти нас быти его послушными рабами. Яви благодать Твою в сохранении нами данного слова. Помози нам, умудри нас трезвенно пожити во вся дни живота нашего; укрепи наша стопы, да не поползновенно прейдем поприще, нам от Тебе, Всеблагий, заповеданное. Господи Боже наш, Щедрый и Многомилостивый, не хотяй смерти грешника, но еже обратитися и живу быти ему! Призри милостивым Твоим оком на страждущих от пианства и прочих соблазнов раб Твоих. Ты веси скорбь их о недуге своем, Ты веси немощь естества нашего, зриши силу великаго и лукаваго искусителя. Вразуми омраченных умом, уврачуй недугующих, утверди их в благоразумии, укрепи в воздержании, да не обладает ими уныние и ропотливость, да имут заботу о спасении души, о здравии тела во славу Твою и о благоденствии на пользу свою и на благо ближних. Да трезвенно поживут и достойно прославят имя Твое. Аминь.

     Диакон: Ко святителю Вонифатию Милостивому помолимся.

     Хор: Святителю отче Вонифатие, моли Бога о нас.

     Иерей: О, всесвятый Вонифатие, милостивый раб Милосердного Владыки! Услышь прибегающих к тебе, одержимых пагубным пристрастием к винопитию, и, как в своей земной жизни ты никогда не отказывал в помощи просящим тебя, так и теперь избавь сих несчастных (имена).

     Некогда, богомудрый отец, град побил твой виноградник, ты же, воздав благодарение Богу, велел немногие сохранившиеся грозды положить в точило и позвать нищих. Затем, взяв новое вино, ты разлил его по каплям во все сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилось, и нищие наполнили свои сосуды. О, святитель Божий! Как по твоей молитве умножилось вино для нужд церкви и для пользы бедных и убогих, так ты, блаженный, уменьши его теперь там, где оно приносит вред, избавь от пристрастия к нему предающихся постыдной страсти винопития (имена), исцели их от тяжкаго недуга, освободи от бесовскаго искушения, утверди их, слабых, дай им, немощным, крепость и силу благоуспешно перенести это искушение, возврати их к здоровой, трезвой жизни, направь их на путь труда, вложи в них стремление к трезвости и духовной бодрости. Помоги им, угодник Божий Вонифатий, когда жажда вина станет жечь их гортань, уничтожь их пагубное желание, освежи их уста небесною прохладою, просвети их очи, поставь их ноги на скале веры и надежды, чтобы, оставив свое душевное пристрастие, влекущее за собою отлучение от Небесного Царствия, они утвердились в благочестии, удостоились непостыдной, мирной кончины и в вечном свете бесконечного Царства Славы достойно прославляли Господа нашего Иисуса Христа со Безначальным Его Отцем и с Пресвятым и Животворящим Духом во веки веков. Аминь.

     Диакон: Ко преподобному отцу нашему Моисею помолимся.

     Хор: Преподобне отче Моисее, моли Бога о нас.

     Иерей: О, великая сила покаяния! О, неизмеримая глубина милосердия Божия! Ты, преподобный Моисей, был прежде разбойником, но потом ужаснулся своих грехов, восскорбел о них и в раскаянии пришел в монастырь и там в великом плаче о своих беззакониях и в трудных подвигах проводил свои дни до кончины и удостоился Христовой благодати прощения и дара чудотворения.

     О, преподобный, ты от тяжких грехов достиг пречудных добродетелей, помоги и молящимся тебе рабом (имена), влекомым в погибель от того, что предаются безмерному, вредному для души и тела употреблению вина. Склони на них свой милостивый взор, не отклони и не презри их, но внемли им, прибегающим к тебе.

     Моли, святой Моисей, Владыку Христа, чтобы не отверг их Он, Милосердный, и да не возрадуется диавол их погибели, но да пощадит Господь этих безсильных и несчастных (имена), которыми овладела пагубная страсть пьянства, ведь мы все Божии создания и искуплены Пречистою Кровию Сына Его. Услышь же, преподобный Моисей, их молитву, отгони от них диавола, даруй им силу победить их страсть, помоги им, простри твою руку, выведи их на путь добра, освободи их от рабства страстей и избавь их от винопития, чтобы они, обновленные, в трезвении и светлом уме, возлюбили воздержание и благочестие и вечно прославляли Всеблагого Бога, всегда спасающаго Свои создания. Аминь.

     И Молитва Пресвятой Богородице пред иконой "Неупиваемая Чаша" от пьянства:

     О, Премилосердая Владычице! К Твоему заступлению ныне прибегаем, молений наших не презри, но милостивно услыши нас: жен, детей, матерей и тяжким недугом пианства одержимых, и того ради от матере своея - Церкви Христовой и спасения отпадающих, братьев и сестер, и сродник наших исцели. О, Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблудшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушныя мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

     Диакон: Премудрость...

     Иерей: Пресвятая Богородице, спаси нас.

     Хор: Честнейшую...

     Иерей: Слава Тебе, Христе Боже, упование наше, слава Тебе... и обычное окончание.

     На отпусте (дня) поминаются святитель Вонифатий Милостивый, епископ Ферентийский, и преподобный Моисей Мурин.

     После отпуста общее благословение:

     По вере вашей да будет вам.